The Oil Laboratory品牌系統建立

The Oil Laboratory 係一間售賣香薰精油嘅店舖，佢嘅銷售模式係喺各大商場開設Pop Up Store，同埋經網店銷售。呢間香薰店嘅產品都係以唔同花材製造出各種工用嘅精油，有機芳香。我哋嘅品牌設計師就住佢嘅賣點為佢設計咗一系列嘅品牌系統，包括logo、包裝設計、品牌插畫等。其中品牌插畫以水彩描畫各種花嘅姿態，人性化咁表現產品嘅成份；花蕊上以水彩小點襯托，象徵花材散發嘅芬芳香氣。以水彩作為品牌插畫，可以體現出品牌產品有機，品牌性格親切、柔和嘅一面。