品味工坊湯包設計

喺呢幾年，香港人開始嘗試使用網上購物平台，ig shop 亦愈開愈多，今次嘅客戶係一間專賣燉品嘅 ig shop – 品味工坊。佢哋用時間心機，將名貴材料熬製成美味嘅燉湯，再放入耐高溫包裝袋內急凍。客人收到湯包後，只需原包放在滾水中一會就可以即刻享用，非常方便。ig shop 有咁多，為咗幫品味工坊突圍而出，設計師為佢哋設計左一個能提升食慾嘅包裝設計。呢個包裝設計用左流線形嘅線條同圖案，營造出燉湯嘅厚滑感。中間有一個中空嘅位置，等客人可以睇到佢哋用嘅名貴材料。顏色上除咗用咗暗黃色嘅logo顏色外，設計師亦配搭左橙色同湖水藍色。黃色同橙色可以引起食慾，增加愉悅感，湖水藍色同橙黃色對比極強，做倒吸引眼球嘅效果，令整個包裝設計更生動活潑。